आठौं तहकी होमियोप्याथी चिकित्सक साह विरुद्ध अख्तियारद्वारा विशेष अदालतमा मुद्धा दायर

काठमाडौं—प्रादेशिक आयुर्वेद तथा वैकल्पिक चिकित्सालय जलेश्वर कार्यरत आठौं तकी चिकित्सककी संगीताकुमारी साह विरुद्ध अख्तियार दुरुपयोग आयोगले विशेष अदालतमा मुद्धा दायर गरेको छ । आइतबार अख्तियारले आठौंं तहमा करारकी जागिरे साहले शैक्षिक योग्यताको प्रमाणपत्र नक्कली पेश रहेको आरोपमा अख्तियारले विशेष अदालतमा मुद्धा दायर गरेको हो ।

होमियोप्याथी चिकित्सक सेवा करार पदको विज्ञापनमा उत्तीर्ण साहको शैक्षिक योग्यताको प्रमाणपत्र नक्कली रहेको भन्ने उजुरी परेपछि अख्तियारले उनीमाथि छानविन गरेको थियो । छानविनमा क्रममा विहार संस्कृत शिक्षा वोर्डद्वारा संचालिन मध्यमा परीक्षा प्रथम श्रेणीमा उत्तीर्ण गरेको भनी झुट्टा तथा नक्कली शैक्षिक योग्यताको प्रमाणपत्र पेश गरेर होमियोप्याथी चिकित्सक आठौं तहमा नियुक्त लिएको पाइएको अख्तियारले जनाएको छ ।

अख्तियारका प्रवक्ता नरहरि घिमिरेले नक्कली प्रमाणपत्रका आधारमा नियुक्त लिई ओहोदा, लाभ र सुविधा प्राप्त गरेको हुँदा उनलाई भ्रष्टाचार ऐन, २०५९ को दफा १६ को उपदफा (१) बमोजिमको कसुरमा भ्रष्टाचार निवारण ऐन, २०५९ को दफा १६ को उपदफा (१) बमोजिम कैद र जरिवाना सजाय माग दावी गरिएको जानकारी दिए ।