रिजर्भ एन्टिवायाेटिक अस्पताल फार्मेसीबाट मात्र विक्री गर्ने सूचनामा असहमति छ- नेपाल फार्मेसी संघ

काठमाडौ–औषधी व्यवस्था विभागले एक हप्ता अघि जारी गरेको रिजर्भ एन्टिवायटिक अस्पताल फार्मोसीबाट मात्र विक्रि गर्ने सूचना प्रति नेपाल फार्मेसी संघले असहमति जनाएको छ ।

विभागले जारी गरेको सूचना तथ्यहीन, आधारहीन र असान्दर्भिक भएको भन्दै विरोध जनाएको हो । बुधवार विज्ञप्ती जारी गर्दै यस्ता औषधी अस्पतालमा नै प्रयोग गरिने भएकाले सामुदायिक फर्मेसीहरुले दुरुपयोग गरीरहेको आरोप निराधार भएको भन्दै सो को खण्डन गरेको छ ।

संघले आफुहरु कानुनको परिधिभित्र रही सबै फार्मेसीहरुबाट सबै प्रकारका औषधी र औषधिजन्य बस्तुहरुको वितरण गर्ने अधिकार सुरक्षित हुनुपर्ने पक्षमा दृढ रहेको जनाएको छ ।

संघले यस्ता निराधार निर्णयले सर्वसाधरण बिरामीको औषधीको पहुँचमा अवरोध पु¥याउने र यस्ता नीतिहरु निश्चित समूहलाई मात्र फाइदा पुग्नेगरी बनाइने हो भने औषधीको कालोबजारी मौलाउने जोखिम रहने उल्लेख गरेको छ ।