१५ फागुनको झड्पमा घाइते भएर आकस्मिक शल्यक्रिया गरेका १३ जनाको उपचार हुँदैं : स्वास्थ्य मन्त्रालय

काठमाडौं—स्वास्थ्य तथा जनसंख्या मन्त्रालयले १५ फागुनको झड्पमा घाइते भएर आकस्मिक शल्यक्रिया गरेका १३ जनाको विभिन्न अस्पतालमा उपचार भइरहेको जनाएको छ ।

सोमबार मन्त्रालयका प्रवक्ता डा. प्रकाश बुढाथोकी एक विज्ञप्ती जारी गर्दै आकस्मिक शल्यक्रिया गरिएका १३ जनाको स्वास्थ्य उपचार भइरहेको जानकारी दिएका हुन् ।

मन्त्रालयकाअनुसार झड्पमा घाइते भएर उपचारका लागि अस्पताल पुगेका १२८ जनाको वीर अस्पताल, राष्ट्रिय ट्रमा सेन्टर, पाटन अस्पताल, निजामती कर्मचारी अस्पताल र काठमाडौं मेडिकल कलेजलगायतका स्वास्थ्य संस्थामा उपचार भएको थियो । जसमध्ये १३ जनाको उपचार जारी रहेको अन्य सबै डिस्चार्ज भएका डा. बुढाथोकीले उल्लेख गरेका छन् ।

मन्त्रालयले सरकारको निर्णयअनुसार घाइतेहरुको निःशुल्क उपचार भइरहेको उल्लेख गरेको छ ।