राष्ट्रिय चिकित्सक संघ नेपालको अध्यक्षमा डा. विकास, महासचिवमा डा. सम्राट

काठमाडौं—राष्ट्रिय चिकित्सक संघ नेपाल (एनडीएएन)को अध्यक्षमा डा. विकास गौचन सर्वसम्मत निर्वाचित भएका छन् । शनिबार चितवनमा सम्पन्न संघको तेस्रो राष्ट्रिय सम्मेलनबाट डा. गौचनको सर्वसम्मत अध्यक्षमा चयन भएका हुन् ।

डा. गौचन नेतृत्वमा ९ पदाधिकारीसहित ४१ सदस्यीय केन्द्रीय कार्यसमिति निर्विरोध निर्वाचित हो । संघको उपाध्यक्षमा डा. मिलन गैरे, डा. महेश महासेठ र डा. चण्डिका पण्डित सर्वसम्मत निर्वाचित भए ।

यस्तै, महासचिवमा डा. सम्राट पराजुली चयन भएका छन् । सचिवमा डा. वर्षा शाह, डा. अमन न्यौपाने, डा अरुण उप्रेती र डा. आधिराज आचार्य निर्वाचित भए ।

नयाँ कार्यसमितिको कार्यकाल तीन वर्षको रहेको छ । यसअघि संघको अध्यक्षमा डा. जागेश्वर गौतम र महासचिवमा डा. छवि पन्थी थिए ।