आगामी आर्थिक वर्षको बजेट १९ खर्ब ६४ अर्ब ११ करोड

काठमाडौं—आगामी आर्थिक वर्ष २०८२/०८३ को बजेट १९ खर्बको हुने भएको छ । बिहीबार संसद भवन नयाँबानेश्वरमा संघीय संसदका दुवै संसद समक्ष बजेट प्रस्तुत गर्दै उपप्रधान एवं अर्थमन्त्री विष्णु पौडेलले १९ खर्ब ६४ अर्ब ११ करोडको बजेट प्रस्तुत गरेका हुन् ।

अर्थमन्त्री पौडेलले प्रस्तुत गरेको बजेटअनुसार स्वास्थ्यतर्फ ९५ अर्ब ८१ करोड रुपैयाँको बजेट बिनियोजन गरिएको छ । यस्तै, शिक्षातर्फ २ खर्ब ११ अर्ब १७ करोड रुपैयाँ बजेट छुट्याइएको छ ।