जेन जीको आन्दोलनमा झडप, दर्जनौं घाइते सबै सरकारी अस्पतालका एम्बुलेन्स सिभिलमा बोलाइयो

काठमाडौं—जेन जीले भ्रष्टाचार अन्त्यलगायतका माग राखेर गरेको आन्दोलनका क्रममा भएको झडपमा परेर दर्जनौं घाइते भएका छन् । घाइतेहरुको सिभिल अस्पतालमा उपचार भइरहेको छ ।

केही प्रदर्शनकारी र केही सुरक्षाकर्मीसमेत झडपमा घाइते भएका छन् । कान्तिपुर टिभीका क्यामराम्यान श्याम श्रेष्ठ पनि घाइते भएका छन् ।

‘दर्जनौं घाइते भएका छन् । हामीले थेगिसक्ने अवस्था नभएकाले सबै सरकारी अस्पतालका एम्बुलेन्सहरु बोलाएका छौं,’ सिभिल अस्पतालका कार्यकारी निर्देशक डा. मोहचन्द्र रेग्मीले भने ।