स्वास्थ्य सेवा विभागको महानिर्देशकमा डा. ढकाल नियुक्त

काठमाडौं-स्वास्थ्य सेवा विभागको महानिर्देशकमा डा. केशरबहादुर ढकाल नियुक्त भएका छन् । आइतबार डा. ढकाल स्वास्थ्य सेवा विभागको महानिर्देशकमा नियुक्त भएका हुन् ।

डा. ढकाल स्वास्थ्य मन्त्रालयको १२ औँ तहको अतिरिक्त सचिव हुन् । उनी यसअघि मन्त्रालयमा कार्यरत थिए ।

यसअघि विभागका महानिर्देशक रहेका डा. टंक बाराकोटीले राजीनामा दिएपछि उक्त पद खाली भएको थियो । डा. बाराकोटीले स्वास्थ्यको कारण देखाउँदै गत आइतबारबाट लागू हुने राजीनामा दिएका थिए ।