काठमाडौंका मेयर बालेनलाई पितृशोक

काठमाडौं—काठमाडौं महानगरपालिकाका मेयर बालेन शाहका बुवा रामनारायण शाहको निधन भएको छ । सोमबार मध्यान्ह नेपाल निजामती कर्मचारी अस्पतालमा ७७ वर्षको उमेरमा उनको उपचारका क्रममा निधन भएको अस्पतालका कार्यकारी निर्देशक डा. मोहनचन्द्र रेग्मीले जानकारी दिए ।

अस्वस्थ भएपछि उनलाई आइतबार ११ बजे सिभिल अस्पताल भर्ना गरिएको थियो । जटिल अवस्था भएका कारण अस्पतालले उनको भेन्टिलेटरमा राखेर उपचार सुरु गरेको थियो ।

‘उहाँ मधुमेहको बिरामी हुनुहुँदोरहेछ । पिसाबमा संक्रमण भएर पूरै शरीरमा फैलिएको थियो,’ डा. रेग्मीले भने, ‘विहान १२ः५ मा उहाँको निधन भयो ।’

बालेका पिता अस्पताल भर्ना भएको थाहा पाएपछि सोमबार बिहान प्रधानमन्त्री सुशीला कार्की पनि भेट्नका लागि अस्पताल पुगेकी थिइन् ।