राष्ट्रिय जनस्वास्थ्य प्रयोगशालाको निर्देशक डा. रुना झा, कोशीमा डा. रामनारायण चौधरी

काठमाडौं—स्वास्थ्य तथा जनसंख्यामन्त्री डा. सुधा गौतम शर्माले केन्द्रीय प्रयोगशाला र कोशी अस्पतालको नेतृत्व परिवर्तन गरेकी छन् । आइतबार मन्त्री डा. शर्माले मन्त्रीस्तरीय निर्णय गर्दै राष्ट्रिय  जनस्वास्थ्य  प्रयोगशालाको निर्देशक र कोशी अस्पतालको प्रमुख मेडिकल सुपरिटेन्डेन्ट परिवर्तन गरेकी हुन् ।

टेकुस्थित राष्ट्रिय जनस्वास्थ्य प्रयोगशालाको निर्देशकमा डा. रुना झालाई ल्याइएको छ । यसअघि उनी कोशी अस्पतालको प्रमुख मेडिकल सुपरिटेन्डेन्ट थिइन् । त्यसअघि कोभिड—१९ को समयमा पनि डा. झाले प्रयोगशालाको नेतृत्व गरेकी थिइन् ।

कोशी अस्पतालको प्रमुख मेडिकल सुपरिटेन्डेन्टको जिम्मेवारी भने डा. रामनारायण चौधरीलाई दिइएको छ । डा. चौधरी सोही अस्पतालमा कार्यरत ११ औं तहका प्रमुख कन्सल्ट्यान्ट पेडियाट्रिसियन हुन् ।

राष्ट्रिय जनस्वास्थ्य प्रयोगशालाका निर्देशक डा. रन्जनराज भट्टलाई प्रयोगशालाको आफ्नै दरबन्दीमा राखिएको छ ।