स्वास्थ्यमन्त्री मेहतालाई सचेत गराउन सिफारिस, श्रममन्त्री साहलाई हटाइयो

काठमाडौं-श्रम, रोजगार तथा सामाजिक सुरक्षामन्त्री दिपककुमार साहलाई हटाइएको छ । बिहीबार प्रधानमन्त्री बालेन्द्र शाहले मन्त्री साहले स्वार्थ बाँझिने काम गरेको भन्दैं हटाएका हुन् ।

मन्त्री साह १३ दिनमै बर्खास्त भएका हुन् । साहले आफ्नी श्रीमती जुनु श्रेष्ठलाई स्वास्थ्य बीमा बोर्डमा पुर्ननियुक्ति दिएको विषयमा रास्वपाले छानविन गरेको थियो ।

छानविनका क्रममा मन्त्री साहले पदीय दुरुपयोग गरी श्रीमतीलाई लामो समयदेखि निष्क्रिय राखिएको स्वास्थ्य बीमा बोर्डको सदस्यमा नियमित गराएका थिए ।

यस्तै, रास्वपाले स्वास्थ्य तथा जनसंख्यामन्त्री निशा मेहतालाई समेत सचेत गराउन प्रधानमन्त्री बालेन्द्र शाहलाई पत्राचार गरेको छ ।

स्वास्थ्यमन्त्रीमा अपेक्षित गाभीर्यता नदेखिएकोले सचेत गराउन सिफारिस गरिएको हो ।