कानुन विपरित औषधिको मुल्यवृद्धिबारे छानविन गर्न अतिरिक्त सचिव डा. श्रेष्ठको नेतृत्वमा समिति गठन

हेल्थ आवाज शुक्रबार, २०८२ चैत्र २७ गते, १९:५५ मा प्रकाशित

काठमाडौं-स्वास्थ्य तथा जनसंख्या मन्त्रालयले कानुन विपरित औषधिको मुल्यवृद्धि गर्ने औषधि व्यवस्था विभागका महानिर्देशक नारायण ढकालमाथि छानविन गर्न समिति बनाएको छ । शुक्रबार प्रधानमन्त्री कार्यालयको निर्देशनपछि स्वास्थ्य तथा जनसंख्यामन्त्री निशा मेहताले मन्त्रीस्तरीय निर्णय गर्दै मन्त्रालयका अतिरिक्त सचिव डा. श्रीकृष्ण श्रेष्ठको नेतृत्वमा छानविन समिति गठन गरेको हो ।
|
तीन सदस्सीय छानविन समितिमा मन्त्रालयको कानुन शाखाका प्रमुख गोपीकृष्ण रेग्मी र विषय विज्ञ कविन मलेकू सदस्य रहेका छन् । समितिलाई ७ दिनभित्र औषधिको मुल्य निर्धारण प्रक्रिया, प्रक्रिया पूरा गरी मुल्यवृद्धि भए नभएको, औषधिको मुल्यवृद्धिमा अनियमितता भएको भए को कसको संलग्नतामा भएको भन्ने विषयमा छानविन गरेर प्रतिवेदन पेश गर्न भनिएको छ ।