काठमाडौं–नेपाल चिकित्सक संघ (एनएमए)को नयाँ नेतृत्व चयनका लागि काठमाडौं उपत्यकामा मतदान सुरु भएको छ। शुक्रबार विहान ८ बजेदेखि नेपाल प्रज्ञा प्रतिष्ठान कमलादीमा मतदान सुरु भएको प्रमुख निर्वाचन अधिकृत प्रा. डा. प्रणयरत्न शाक्यले जानकारी दिए ।
मतदान साँझ ६ बजेसम्म जारी रहनेछ भने शनिबार (भोलि) पनि काठमाडौं उपत्यकामा मतदान हुनेछ ।
यसअघि ४ र ५ बैशाखमा उपत्यकाबाहिरका २३ वटा मतदात केन्द्रबाट मतदान भइसकेको छ । एनएमए निर्वाचन समितिकाअनुसार उपत्यकाबाहिर ४२४४ मत खसेको छ ।
एनएमएको १९ सदस्यीय केन्द्रीय कार्यसमितिका निर्वाचन हुँदैंछ । यस पटक संघको नेतृत्वका लागि डा. मंगल रावल, डा. बद्री रिजाल र डा. नारायण भुसाललले प्यानलसहित प्रतिस्पर्धामा छन् ।
१९ सदस्सीय नयाँ कार्यसमितिका लागि तीन वटा प्यानलबाट ५५ जना उम्मेदवार चुनावी मैदानमा छन् ।
नेपाल चिकित्सक संघको निर्वाचनमा १६ हजार २०० मतदाता रहेका छन् ।
