एनएमए निर्वाचनः प्रारम्भिक रुझानमा डा. मंगल अगाडि, महासचिवमा प्रतिस्पर्धा

काठमाडौं-नेपाल मेडिकल काउन्सिल (एनएमए)को नयाँ कार्यसमितिका लागि भएको निर्वाचनमा मतगणना जारी छ । आइतबार विहान ७ बजेको मतपरिणामअनुसार अध्यक्षमा डा. मंगल रावलले अग्रता लिइरहेका छन् ।

५९८ मत काउण्ट हुँदा अध्यक्षमा डा. मंगल रावलले ३०५ मतका साथ अग्रता लिइरहेका छन् । उनलाई २३६ मतका साथ डा. बद्री रिजालले पछ्याइरहेका छन् भने तेस्रो नम्बरमा रहेका डा. नारायणप्रसाद भुसालले ५४ मत प्राप्त गरेका छन् ।

यस्तै, वरिष्ठ उपाध्यक्षमा डा. सन्जीव तिवारी र डा. कीर्तिपाल सुवेदीबीच कडा टक्कर छ । डा. तिवारी २५५ मतका साथ अग्रता बनाएका छन् । यसअघि अगाडि रहेका डा. सुवेदी २३३ मतका साथ दोस्रो स्थानमा छन् । डा. अजय मिश्रले ८८ मत प्राप्त गरेका छन् ।

यस्तै, महासचिवमा डा. विश्वराज दवाडी २२८ मतका साथ अग्रस्थानमा छन् भने डा. कालुसिंह खत्री २१२ मतका साथ पछ्याइरहेका छन् । यस्तै, तेस्रो स्थानमा रहेका डा. अमृत भुसालले १३८ मत प्राप्त गरेका छन् ।