औषधी व्यवस्था विभाग नागरिक सहायता तथा सहजीकरण केन्द्र सञ्चालनमा ल्याउँदैं

काठमाडौं—औषधी व्यवस्था विभागले नागरिक सहायता तथा सहजीकरण केन्द्र सञ्चालनमा ल्याउने भएको छ । १ जेठबाट विभागले नागरिक सहायता तथा सहजीकरण तथा एकल विन्दु सेवा प्रणाली सञ्चालनमा ल्याउन लागेको हो ।

विभागकी निमित्त महानिर्देशक शिवानी खड्गीले विभागको सेवालाई थप पादरर्शी, झन्झटमुक्त र नागरिकमैत्री बनाउने राज्यको नीतिअनुरुप एकल विन्दु सेवा सञ्चालनमा ल्याउन लागिएको जानकारी दिइन् ।

उक्त सेवामा सञ्चालनमा आएसँगै विभागबाट सेवा लिने सेवाग्राहीले सर्वप्रथम सोही केन्द्रमा सम्पर्क गरेर सेवा प्राप्तिको प्रक्रिया अगाडि बढाउन सकिने उनले बताइन् ।