नेपाल विश्व स्वास्थ्य संगठनको उपाध्यक्षमा निर्वाचित

काठमाडौं—नेपाल विश्व स्वास्थ्य संगठन (डब्लूएचओ)को उपाध्यक्षमा निर्वाचित भएको छ । सोमबार जेनेभामा जारी डब्लूएचओको विश्व स्वास्थ्य महासभाको ७९ औं सत्रले नेपालसहित पाँच देशलाई उपाध्यक्षमा निर्वाचित गरेको हो ।

नेपालसँगै लिबिया, माली, पोल्याण्ड र पपुवा न्युगिनी उपाध्यक्षमा निर्वाचित भएको विश्व स्वास्थ्य संगठनले जनाएको छ ।

महासभामा भाग लिन नेपालबाट स्वास्थ्य तथा खाद्य स्वच्छता मन्त्री निशा मेहता नेतृत्वको टोली जेनेभा पुगेको छ ।