२०८३ मंसिर १, मंगलवार
Health Aawaj logo
गृहपृष्ठ ∕ समाचार ∕ शहीद गंगालाल राष्ट्रिय हृदय केन्द्रले दिन्छ हप्तामा ६ दिन नै ओपीडीलगायतका सेवाहरू

शहीद गंगालाल राष्ट्रिय हृदय केन्द्रले दिन्छ हप्तामा ६ दिन नै ओपीडीलगायतका सेवाहरू

जहाँका चिकित्सक, स्वास्थ्यकर्मी र कर्मचारीहरु सट्टा विदा लिएर आइतबार पनि सेवा दिन्छन्


काठमाडौं—सरकारले २२ चैतमा सरकारी कार्यालयहरुमा दुई दिन विदा निर्णय गरेपछि अहिले सबैजसो सरकारी अस्पतालहरुमा हप्तामा दुई दिन ओपीडीलगायतका सेवा बन्द रहने गरेका छन् । सरकारको सरकारी कार्यालयमा शनिबार र आइतबार विदा दिने निर्णयपछि २७ चैतमा स्वास्थ्य तथा खाद्य स्वच्छता मन्त्रालयले बिरामी चापलाई मध्यनजर गर्दै सरकारी अस्पतालमा सट्टा विदाको व्यवस्था गरेर आइतबार ओपीडी सञ्चालन गर्ने निर्णय गरेको थियो ।

मन्त्रालयको उक्त निर्णयमा चिकित्सक तथा स्वास्थ्यकर्मीहरुको तीब्र विरोध गरे । स्वास्थ्यकर्मीहरुको विरोध खेप्न नसकेपछि ३ बैशाखमा स्वास्थ्य तथा खाद्य स्वच्छता मन्त्रालय उक्त निर्णयबाट ब्याक भएर सरकारी अस्पतालहरुमा पनि शनिबार र आइतबार दुई दिन नै सार्वजनिक विदा दिने निर्णय गर्‍यो । जसका कारण अहिले सबैजसो सरकारी अस्पतालहरुमा शनिबार र आइतबार इमर्जेन्सीबाहेकका सेवा बन्द रहने गरेका छन् ।

तर, शहीद गंगालाल राष्ट्रिय हृदय केन्द्रका चिकित्सक, स्वास्थ्यकर्मी र प्रशासनिक कर्मचारीहरुले भने बिरामी सेवालाई पहिलो प्राथमिकतामा राखेर आइतबार पनि ओपीडीलगायतका सबै सेवाहरु प्रवाह जारी राखेका छन् ।

‘हामीले आन्तरिक रुपमा सल्लाह गरेरै बिरामीलाई आइतबार पनि ओपीडीलगायतका सबै सेवाहरु प्रवाह गरिरहेका छौं,’ अस्पतालको कर्मचारी प्रशासन प्रमुख विमला अर्यालले भन्छिन्, ‘ओपीडी, शल्यक्रिया, लेखा, प्रशासन सबै सेवाहरु ६ दिन नै प्रवाह गर्छौ ।’ अर्यालले मुटु रोगको सेवा दिने गंगालालमा बिरामी सेवालाई ध्यान दिएर सट्टा विदाको व्यवस्था गरेर आइतबार सार्वजनिक विदाका दिन पनि सेवा नियमित गरिएको जानकारी दिइन् ।

जसका कारण गंगालालमा बिरामीहरुले अन्य सरकारी अस्पतालमा जस्तो आइतबार ओपीडी सेवा नपाएर फर्किनु पर्दैन् । हाल गंगालालमा दैनिक ७०० देखि ७५० जना बिरामीले ओपीडी सेवा लिने गरेका छन् ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ