निजामती कर्मचारी अस्पतालका कार्यकारी निर्देशक प्रा. डा. मोहनचन्द्रले दिए राजीनामा, डा. रविप्रकाश निमित्त

काठमाडौं-निजामती कर्मचारी अस्पतालका कार्यकारी निर्देशक प्रा.डा. मोहनचन्द्र रेग्मीले पदबाट राजीनामा दिएका छन् । मंगलबार प्रा.डा. रेग्मीले पदबाट राजीनामा दिएको निजामती कर्मचारी अस्पताल निकट स्रोतले जनाएको छ ।

प्रा.डा. रेग्मीले पनि आफूले पदबाट राजीनामा दिएको जानकारी दिए । २८ फागुन २०८१ मा डा. रेग्मी निजामती कर्मचारी अस्पतालको कार्यकारी निर्देशकमा नियुक्त भएका थिए । उनी चार वर्षका लागि अस्पतालको कार्यकारी निर्देशक नियुक्त भएपनि कार्यकाल बाँकी छदैं राजीनामा गरेका हुन् ।

डा. रेग्मीले राजीनामा दिएसँगै निजामती कर्मचारी अस्पतालको निमित्त कार्यकारी निर्देशकको जिम्मेवारी डा. रविप्रकाश शर्मालाई दिइएको छ । उनले बिहीबारदेखि निमित्तको जिम्मेवारी सम्हाल्नेछन् ।
उनी ग्यास्टोका चिकित्सक हुन् ।

निजामती कर्मचारी अस्पताल भूमी व्यवस्था, सहकारी, संघीय मामिला तथा सामान्य प्रशासन मन्त्रालयअन्तर्गतको अस्पताल हो ।