प्रधानमन्त्री ओली ग्राण्डी अस्पतालमा

काठमाडौं—प्रधानमन्त्री केपी शर्मा ओली स्वास्थ्य उपचारको लागि धापासीस्थित ग्राण्डी अस्पताल गएका छन् ।

मिर्गौलाको रोगबाट पीडित प्रधानन्त्री ओली आइतबार अपरान्ह ४ बजे अस्पताल पुगेका हुन् । १२ वर्षअघि मिर्गौला प्रत्यारोपण गरेका ओलीको प्रत्यारोपण गरेको मिर्गौलाले काम गर्न छोडेपछि एक महिना अघिबाट होमोडायलसिस सेवा सुरु गरिएको छ ।

यसअघि तीन पटक होमोडायलसिस गरेका ओली आज पुनः अस्पताल गएका हुन् । अघिल्लो शनिबार पनि उनको होमोडायलसिस गरीएको थियो । तर, आज प्रधानमन्त्री के का लागि अस्पताल गएका हुन् भन्ने खुलाइएको छैन् ।