अस्पताललाई ‘बेबी वार्मर’ र ‘फोटो थेरापी मेसिन’

मंसिर – प्रदेश ५ को पहाडी जिल्ला गुल्मीमा रहेको जिल्ला अस्पताल तम्घासलाई नवजात बच्चाका लागि अवश्यक सामाग्री उपलव्ध गराइएको छ ।

नबजात शिशु जन्मीएपछि चिसोबाट बचाउनका लागि प्रयोग गरिने ‘बेबी वार्मर’ र बच्चाको उपचारमा सघाउपुर्याउने ‘फोटो थेरापी मेसिन’ अस्पताललाई हस्तान्तरण गरिएको हो ।

सामाजिक उत्तरदायित्व अन्तरगत लायन्स क्लब अफ तम्घासले सातलाख बराबरका ती साम्रगी हस्तारन्तरण गरेको छ ।

नबजात शिशुहरुको अकाल मै मृत्यू हुने अबस्थाको अन्त्य होस् भन्नका लागि सहयोग गरेको क्लबका अध्यक्ष बालसिंह काउछाले बताए । ‘हामी अस्पतलामा जन्मलिने नवजात शिशुहरुले समान्य चिसोका कारण ज्यान गुमाउनु नपरोस् भन्ने उद्देश्यले समाग्री खरिद गरेका हौँ । सामाजिक रुपमा नै यसले सकारात्मक प्रभाव पार्ने छ ।’– उनले भने । उनले दुखी गरिब बिपन्न र अशक्तहरुलाई विभिन्न शिर्षकमा सहयोग हुराउँदै आएको समेत स्मरण गरे ।

अस्पतालमा यस प्रकारका उपकरणहरुको अभावमा समस्या हुँदै आएकोमा संस्थाहरुले गरेको सहयोगले बालकालिकाको लागि निकै उपयोगि हुने अस्पतालका प्रमुख डा. उत्तम पच्याले बताए । उनले अस्पताल र नबजात शिशुहरुको उपचारमा ठुलो सहयोग पुग्ने विस्वास समेत लिए ।