काठमाडौं–स्वास्थ्य तथा जनसंख्या मन्त्रालयले १२ औं तहमा बढुवा सिफारिस गर्नको लागि ११ औं तहमा ५ वर्ष सेवा अवधी पुगेका स्वास्थ्यका कर्मचारीको व्यक्तिगत विवरण माग गरेको छ ।
गत असारसम्ममा ११ औं तह भएको ५ वर्ष पुरा भएकोे नेपाल स्वास्थ्य सेवा विभिन्न समूह तथा उपसमूहका कर्मचारीको व्यक्तिगत विवरण माग गरेको हो । मन्त्रालयले आगामी १४ पाैषभित्र आफ्नो व्यक्तिगत विवरण भरी बढुवा समितिको सचिवालय, स्वास्थ्य तथा जनसंख्या मन्त्रालयमा पढाउन भनेको छ ।
स्वास्थ्य मन्त्रालयको सांगठनिक संरचनामा १२ औं तह (सचिव स्तरिय)का तीन जना प्रमुख विशेषज्ञ रहने व्यवस्था गरेको छ । तीन मध्ये दुई जना मन्त्रालयमा रहन्छन् भने एक जनाको दरवन्दी स्वास्थ्य सेवा विभागमा माहानिर्देशकको रुपमा रहनेछ ।
मन्त्रालयमा नीति योजना तथा अनुगमन र गुणस्तरमापन तथा नियमन तर्फ एक जना र जनसंख्या र स्वास्थ्य समन्वयमा १ जनाको दरवन्दी रहेको छ ।
तीन दरवन्दीमध्ये दुई वटा दरवन्दी २१ महिनादेखि खाली रहेको छ भने विभागको दरवन्दी तत्कालीन महानिर्देशक डा सुशीलनाथ प्याकुरेलको गत भदौमा अनिवार्य अवकाशपछि खाली रहेको छ ।
