शनिवार ३२ अस्पतालका ४ सय १० नर्स दौडदै

काठमाडौं – ब्लु क्रस अस्पताल त्रिपुरेश्वर र डा. खगेन्द्र स्पोट्स फाउण्डेशनको संयुक्क्त आयोजनामा आगामी शनिवार तेस्रो एथ्लेटिक मिट २०७६ हुने भएको छ । हलचोक स्थित शसस्त्र प्रहरीको खेल मैदानमा हुने सो एथलेटिक्समा ३२ अस्पतालका ४ सय १० जना जना नर्सले सहभागीता जनाउने फाउण्डेसनका संचालक समेत रहेका डा खगेन्द्र श्रेष्ठले जानकारी दिए ।

उनले स्वस्थ्य जीवनको निम्ति खेलकुद पनि अपरिहार्य रहेको समेत बताए बताएका छन् । विगत १० वर्षदेखि खेलकुद प्रेमीको हकहितको निम्ति ‘डा. खगेन्द्र स्पोट्र्स फाउन्डेसन’ सञ्चालन गर्दै आएका छन् । स्वस्थ्य जीवनको निम्ति खेलकुद पनि एक महत्वपुर्ण पाटोको रुपमा रहेको उनको भनाइ छ । ‘दिनरात बिरामीको सेवामा खट्ने नर्सलाई यस्ता मनोरञ्जनका कार्यक्रमहरु पनि आवश्यक रहेको छ ।’ उनले भने ‘समस्त स्वास्थ्य, खेलकुद तथा मेडिसिनलाई जोड्न मद्दत गर्ने यस्ता पक्षमा सम्बन्धित निकायको पनि चासोको चाहिन्छ ।’

‘रन फर कमिटमेन्ट्स, रनर आर विनर’ भन्ने मुल नाराका साथ उक्त कार्यक्रम गर्न लागिएको हो । विगत ३ वर्षदेखि डा. खगराज स्पोट्र्स फाउन्डेसनद्धारा आयोजना हुदै आएकोे नर्सेस एथ्लेटिक मिट कार्यक्रम यसपटक भने ब्लु क्रस अस्पतालसंगको सहकार्यमा हुने भएको छ । यसअघि गरिएको पहिलो एथ्लेटिक मिटमा ११ अस्पतालका १ सय १० जना नर्सले र दोस्रो चरणको कार्यक्रममा २६ अस्पतालका १ सय ७७ जना नर्सले सहभागी जनाएका थिए ।