‘खरिपाटी क्वारेन्टाइनमा रहेका कसैमा पनि कोभिड-१९ को संक्रमण देखिएन’

काठमाडौं – चीनको वुहान शहरबाट उद्दार गरी भक्तपुरको खरिपाटीस्थित क्वारेन्टाइनमा राखिएका कुनै पनि नेपालीमा कोभिड-१९को संक्रमण नदेखिएको स्वास्थ्य तथा जनसंख्या मन्त्रालयले जनाएको छ। बुधबार मन्त्रालयले प्रेस विज्ञप्ति जारी गरी नेपाल ल्याइएका १ सय ७५ जनामा कोरोना भाइरस नेगेटिभ आएको बताएको हो।

राष्ट्रिय जनस्वास्थ्य प्रयोगशालाले फागुन ५ गतेको दिन खरिपाटीस्थित क्वारेन्टाइनमा नै पुगेर प्रत्येकको नाक र घाँटीको जाँच गरी नमुना संकलन गरेको थियो। उक्त नमुना संकलनको रिपोर्ट भने बुधबार आईपुगेको हो। १ सय ७५ जनाकै रिपोर्टमा कोभिड-१९को संक्रमण नदेखिएको जानकारी गराउन पाउँदा नेपाल सरकार तथा स्वास्थ्य मन्त्रालय निकै खुसी भएको कुरा समेत् विज्ञप्तिमा उल्लेख छ।

भाइरसको प्रकोप दिनानुदिन बढ्दै गएपछि सो भाइरसबाट प्रभावित बनेको चीनबाट नेपालले आइतबार १ सय ७५ नेपाली नागरिकलाई उद्दार गरी स्वदेश ल्याएको थियो। जसमा १ सय ३४ पुरुष र ४१ महिला छन्। ती मध्य वुहानमा पढ्ने १ सय ७० विद्यार्थी छन्।

स्वास्थ्य तथा जनसंख्या मन्त्रालयले जारी गरेको विज्ञप्ति;