काठमाडौं—सिनामंगलस्थित प्रोमेड मल्टीस्पेसियालिटी क्लिनिकले फ्री डाइबेटिज क्याम्पेन सुरु गर्ने भएको छ । क्लिनिकले १ पुसदेखि महिनाभर फ्री डाइबेटिज क्याम्पेन गर्न लागेको हो ।
उक्त अभियानमा निःशुल्क परामर्श, निःशुल्क फास्टिङ र पीपी परीक्षण हुनेछ । यसैगरी, एचबीएवानसी (तीन महिने सुगर) परीक्षणमा ५० प्रतिशत छुट हुने क्लिनिकले जनाएको छ ।
कन्सल्ट्यान्ट इन्डोक्राइनोलोजिष्ट डा. दीपक पौडेलले उक्त अभियानमा बिरामीहरुलाई सेवा दिनेछन् । डा. पौडेलकाअनुसार सुगर (मधुमेह) बढी हुँदा थकान, दृष्टि धमिलो हुने, मुख सुख्खा हुने, धेरै पटक पिसाब लाग्ने, बिना कारण तौल घट्नेजस्ता समस्या देखिन्छ ।
यसैगरी, सुगर कम हुँदा चक्कर लाग्ने, टाउको दुख्ने, हात खुट्टा काप्ने, पसिना आउने र चेतना गुमाउनेजस्ता लक्षण देखिन्छ । उनकाअनुसार मधुमेहका आधाजसो बिरामीहरुमा भने कुनेै पनि लक्षण नदेखिने भएकाले समय—समयमा परीक्षण गराउँदा राम्रो हुन्छ ।
इच्छुक बिरामीले ९८०२३१८८२९ मा सम्पर्क गरेर नाम दर्ता गराउन सकिने क्लिनिकले जनाएको छ । प्रोमेड ‘हाम्रा बिरामीहरुको स्वास्थ्य नै हाम्रो प्राथमिकता भन्ने उद्देश्यका साथ संचालनमा आएको हो ।
