रसियाका राष्ट्रपतिका भ्लादमिर पुटिनले आफ्नो देशका वैज्ञानिकहरु क्यान्सर विरुद्धको भ्याक्सिन तयार गरिरहेको बताएका छन् । बुधबार उनले मस्को फोरम अन फ्युचर टेक्नोलोजी कार्यक्रममा यसबारेमा जानकारी दिएका हुन् ।
पुटिनले क्यान्सरको भ्याक्सिन चाँडै बिरामीलाई उपलब्ध हुने पनि दावी गरेका छन् । ‘हामी क्यान्सर भ्याक्सिन र नयाँ पुस्ताको प्रतिरक्षा प्रणालीलाई मजबुत गर्ने औषधिको निर्माणको एकदमै नजिक आइसकेका छौं,’ उनले भने ।
तर, उनले क्यान्सरको भयाक्सिन कहिले उपलब्ध हुनेछ र यसले कस्तो क्यान्सरलाई रोक्नेछ भन्ने विषयमा भने केही बताएनन् । त्यसबाहेक भ्याक्सिन कस्ता मानिसहरुलाई दिइनेछ भन्ने विषयमा पनि उनले केही बोलेनन् ।
संसारभर बितेका कयौं दशकदेखि क्यान्सरको प्रभावशाली उपचार खोजिदैंछ । अहिले जर्मनीको कम्पनी बायोएनटेक, अमेरिकी कम्पनी मोडर्ना र मर्क क्यान्सर भ्याक्सिनमाथि काम गरिरहेका छन् । तर, यी सबै क्यान्सरका खास प्रकारसम्म मात्रै सिमिति छन् ।
-एजेन्सीको सहयोगमा
