थाइल्याण्डमा एमपक्सको नयाँ सम्भावित घातक स्ट्रेनको पहिलो केस पुष्टि भएको घोषणा गरेको छ । यो एसियामा एमपक्सको पहिलो केस र अफ्रिका बाहिर दोस्रो केस हो ।
थाइल्याण्डको रोग नियन्त्रण विभागलाई उदृत गर्दै बीबीसीले जनाएअनुसार संक्रमित ६६ वर्षीय व्यक्ति युरोपेली नागरिक हुन् । उनी अफ्रिकी देशबाट १४ अगष्टमा बैंंकक पुगेका थिए ।
बैकक पुगेको अर्को दिन लक्षणहरु देखिन थालेपछि उनी तुरुन्तै अस्पताल गएका थिए । अस्पतालमा गएपछि उनमा एमपक्सको क्लेड १बी संक्रमण पुष्टि भएको थियो ।
गत वर्षको सुरुमा प्रजातान्त्रिक गणतन्त्र कंगोमा एमपक्सको संक्रमणबाट कम्तिमा ४५० जनाको मृत्यु भएको थियो । अफ्रिका बाहिर फेला परेको यो खतरनाक एमपक्सको पहिलो केस हो । अफ्रिकामा कंगो नजिकका देशहरु बुरुण्डी, केन्या, रुवान्डा, युगाण्डालगायतका एमपक्स फैलिइसकेको बीबीसीले उल्लेख गरेको छ ।
स्वीडेन अफ्रिकी महादेश बाहिरको क्लेड १बी देखिने पहिलो देश थियो । स्वीडेनमा गत हप्तामा यो संक्रमण पुष्टि भएको थियो । स्वीडेनमा पाइएका संक्रमितले पनि अफ्रिकी देशको यात्रा गरेर त्यहाँको स्वास्थ्य मन्त्रालयले जनाएको थियो ।
थाइल्याण्डमा पुष्टि भएको संक्रमण एसियामा क्लेड १बीको पहिलो केस हो ।
