नागरिक अस्पतालको निःशुल्क स्वास्थ्य शिविर

भक्तपुर—भक्तपुरको गठ्ठाघरमा रहेको नागरिक सामुदायीक अस्पतालले निःशुल्क स्वास्थ्य शिविर आयोजना गरेको छ । शनिबार अस्पतालमै निःशुल्क स्वास्थ्य शिविर सम्पन्न गरेको हो ।

शिविरमा जनरल फिजिसियन, जनरल सर्जरी, स्त्री तथा प्रसूति रोग विशेषज्ञ, बाल रोग विशेषज्ञले सेवा दिएका थिए । साथै, सिबिसी आरबिसी र युरिन टेस्ट निःशुल्क गरिएको थियो ।

शिविरमा आएर सेवा लिने सेवाग्राहीलाई इसिजी, इको, युएसजी, सिटी स्क्यान र एक्सरे सेवामा २५ प्रतिशत र औषधिमा १० प्रतिशत छुट दिइएको अस्पतालकी नर्सिङ प्रमुख गंगा पौडेलले जानकारी दिइन् ।