विश्व स्वास्थ्य संगठनका प्रमुखद्वारा गाजा युद्धविरामको स्वागत

काठमाडौं-विश्व स्वास्थ्य संगठन (डब्लूएचओ)का प्रमुखले गाजामा भएको युद्धविरामको स्वागत गरेका छन् । बिहीबार इजरायल र हमासले १५ महिनादेखि जारी युद्ध अन्त्य गर्ने गरी सम्झौता गरेका थिए ।

उक्त सम्झौताको डब्लूएचओका प्रमुख टेड्रोस अधानोम गेब्रेयससले स्वागत गरेका हुन् । उनले सबै पक्षले सम्झौताको सम्मान गर्ने र दिगो शान्तिका लािग काम गर्ने आशासमेत व्यक्त गरेका छन् ।

‘धेरै जनाको ज्यान गएको छ र धेरै परिवारहरुले दुःख भोगको छन्,’ टेड्रोसले एक्समा लेखेका छन् ।

‘गाजामा धेरै मात्रामा स्वास्थ्य आवश्यकताहरु छन्,’ उनले भनेका छन् । टेड्रोसले अगाडि थपेका छन्, ‘डब्लूएचओ साझेदारहरुसँग मिलेर हामी सहयोग बढाउन तयार छौं ।’