अहमदाबाद विमान दुर्घटनाः विमान खसेको भवनमा रहेका १५ चिकित्सक घाइते

अहमदावाद-अहमदावादमा एयर इण्डियाको बोइङ ७८७ ड्रिमलाइनर विमान दुर्घटना भएको छ । बिहीबार दिउँसो १ः३८ मा अहमदावादबाट लण्डनका लागि उडान भरेको दुई मिनेटमै अहमदावादमा भएको विमान दुर्घटनामा चालक दलसहित २४२ जना सवार थिए ।

अहिले विमान दुर्घटनाका घाइते र मृतकहरुको उद्धार कार्य जारी रहेको छ । उनीहरुले अहमदाबादको सिभिल अस्पतालमा लगिदैंछ ।

विमान खसेको भवनमा डाक्टहरु रहेको भारतीय मिडियाहरुले जनाएका छन् । उक्त दुर्घटनामा विमान १५ जनाभन्दा बढी डाक्टर घाइते भएका छन् । मेडिकल कलेजको होस्टेलमा उक्त विमान खसेको आजतकले जनाएको छ ।

उक्त भवनमा ६० जना चिकित्सक रहेको अनुमान छ । दुर्घटनाको पूर्ण विवरण भने प्राप्त भइसकेको छैन ।

विमानमा बेलायतका ५३ जना, पोर्चुगलका ७ जना र एक जना क्यानेडियन नागरिक सवार थिए भने अन्य सबै आयु भारतीय रहेका छन् । गुजरातका पूर्व मुख्यमन्त्री रुपनी विजय पनि उक्त विमानमा रहेको बताइएको छ ।