८.८ रेक्टरको भूकम्प जाँदा पनि ज्यानको बाजी थापेर शल्यक्रिया गरिरहेका डाक्टर

मस्को—रसियाको पूर्वी तटीय क्षेत्रमा इतिहासकै ठूलो ८.८ रेक्टर स्केलको भूकम्प गएको छ । बुधबार विहान गएको उक्त महाभूकम्प सन् १९५२ यता मापन गरिएको ठूलो भूकम्प भएको वैज्ञानिकहरुले बताएका छन् ।

उक्त भूकम्पले रसिया ठूलो झट्का दिएको थियो । भूकम्पको समयमा रसियाको कमचाट्का अंकोलोजी केन्द्रमा चिकित्सकहरु शल्यक्रिया गरिरहेका थिए ।

शल्यक्रिया गरिरहेका बेला ८.८ म्याग्निच्युडको भूकम्प गएको थियो । उक्त क्षणलाई सिसिटीभी फुटेजमा रेकर्ड भएको देखिन्छ । कामचट्काका स्वास्थ्यमन्त्री ओलेग मेल्निकोवले स्पष्ट रुपमा थरथराइरहेको देखिएपनि र खतरा प्रत्यक्ष भएपनि मेडिकल टोलीले आत्मसंयम कायम राखेको र शल्यक्रिया कक्ष छोड्न अस्वीकार गरेको नाटकीय भिडियो सेयर गरेका छन् ।

‘खतरा हुँदाहुँदैं पनि डाक्टरहरु बिरामीसँगै बसे,’ मेल्निकोवले आफ्नो आधिकारिक टेलिग्राम च्यानलमा लेखे, ‘हाल बिरामीको अवस्था राम्रो छ । म हाम्रा विशेषज्ञहरुप्रति उनीहरुको व्यवसायिकता र तनावको अवस्थामा देखाएको धैर्यताका लागि प्रशंशा र धन्यवाद व्यक्त गर्छु ।’