सांसद डा. यादवसहित धनुषामा थप ४८ जनामा संक्रमण पुष्टि

जनकपुर – जनता समाजवादी पार्टीको तर्फबाट प्रतिनिधिसभा सदस्य डा. सूर्यनारायण यादवसहित धनुषाका थप ४८ जनामा कोरोना संक्रमण पुष्टि भएको छ । प्रादेशिक जनस्वास्थ्य प्रयोगशाला जनकपुरमा भएको परीक्षणमा डा. यादव सहित धनुषाका ४८ जनामा संक्रमण पुष्टि भएको हो ।

प्रतिनिधिसभा सदस्य सञ्चालक रहेका जनकपुरस्थित जानकी हेल्थ केयरमा कार्यरत एक चिकित्सिकसहित चार जनामा संक्रमण पुष्टि भएको छ । बालरोग विशेषज्ञ डा. यादव जानकी हेल्थ केयरमा बिरामी जाँच गर्ने गरेका थिए । डा. यादव जनता समाजवादी पार्टीका संघिय सासद हुन ।संक्रमित सबैको अवस्था सामान्य रहेकाे छ ।