नागरिक सुलभ अभियानले निरन्तरता पाओस् : मुख्यमन्त्री सिंह

जनकपुर—सिटी केयर असपताल बर्दिवासले नागरिक सुलभ स्वास्थ्य अभियान सुरु गरेको छ । अस्पतालले ३ हजारभन्दा बढी खर्चमा हुने जाँचहरु ५ सय रुपैयाँमै गर्न सक्ने नागरिक सुलभ स्वास्थ अभियान सुरु गरेको हो ।

चिकित्सकद्वारा चेक जाँच, विभिन्न ७ प्रकारका ल्याब टेष्ट, डिजिटल एक्सरे र इसीजी ५ सय रुपैयाँमा गर्न सक्ने नागरिक सुलभ स्वास्थ्य अभियान सुरु गरेको सिटी केयर अस्पतालका सञ्चालक सुधीर अग्रवालले बताए ।

मधेश प्रदेशका मुख्यमन्त्री सतिशकुमार सिंह र र्बिर्दवास नगरपालिकाका नगर प्रमुख प्रल्हाद क्षेत्रीले संयुक्त रुपमा नागरिक सुलभ स्वास्थ अभियानको उद्घाटन गरेका छन ।

मुख्यमन्त्री सिंहले नागरिक सुलभ स्वास्थ अभियान निरन्तरता दिन अस्पताल सञ्चालकसंग आग्रह गरे । अभियानले नागरिक लाभान्वित हुने मुख्यमन्त्री सिहले विश्वास व्यक्त गरे ।