सीमा नाकाको हेल्थ डेक्समा मन्त्री

विराटनगर– विश्वभरी महामारीका रूपमा फैलिएको कोरोना भाइस (कोभिड-१९) को संक्रमण रोक्न नेपाल र भारतको सीमा नाकामा राखिएको हेल्थ डेक्समा प्रदेशका १ का मन्त्रीहरूले स्थलगत निरीक्षण गरेका छन् ।

प्रदेश १ का आन्तरिक मामिला तथा कानुन मन्त्री हिक्मत कार्की र सामाजिक विकास मन्त्री जीवन घिमिरेसहित सुरक्षा नियाका प्रमुखहरूले सीमा नाकामा राखिएको हेल्थ डेक्समा शुक्रबार स्थलगत निरीक्षण गरेका हुन् ।

विराटनगर भन्सार कार्यालय अगाडि राखिएको हेल्थ डेक्सबाट भइरहेको स्वास्थ्य परीक्षणको अवस्था बुझेका थिए । मन्त्री कार्कीले सीमा नाकामा राखिएको हेल्थ डेक्सलाई थप व्यवस्थित गरी अगाडि बढन प्रदेश सरकार तयार रहेको बताए ।

‘सीमा नाकाहरूबाट अहिले आवतजावत भइरहेको छ । कोरोना भाइस फैलिन नदिन हामीले सावधानी अपनाएर सीमा नाकामा प्रराम्भिक हेल्थ डेक्स राखिएको हो,’ मन्त्री कार्कीले भने, ‘यसलाई थप व्यवस्थित गरिने काम पनि भइरहेको छ ।’ विराटनगरको सीमा नाकामा राखिएको हेल्थ डेक्सबाट दैनिक १ हजार ६ सयदेखि २ हजारसम्मको स्वास्थ्य परीक्षण हुँदै आएको बताइएको छ ।