इनरुवा अस्पतालका डा. शाहको करारको म्याद थप्न निर्देशालनयमा पत्रचार

विराटनगर –  इनरुवा अस्पतालका स्त्री तथा प्रसूती रोग विशेषज्ञ  डा. बालकृष्ण शाहलाई अस्पताल विकास समितिले गत जेठ २६ गते करारमा नियुक्त गरेको थियो । यही असार मसान्तमा उनको करार अवधि सकिएको छ ।

करारको म्याद अवधि सकिए पनि अस्पतालले डा. शाहलाई यथावत रुपमा कामकाज गर्न आग्रह गरेको कारणले अहिले उनी सेवा प्रदान गर्दै आएका छन् । प्रदेश सरकार अन्तरगत इनरुवा अस्पताल हो । सो अस्पतालले डा. शाहको बिहीबार पत्र काटेर असार मसान्तसम्म करारको म्याद अवधि समाप्त भएपनि म्याद थपको लागि प्रदेश स्वास्थ्य निर्देशनालय प्रदेश १ धनकुटालाई पत्रचार गरेको छ । म्याद थप भएर नआएसम्म यथावत रुपमा कामकाज गर्न र सेवासुविधाको हकमा विकास समितिले निर्णयअनुसार हुने अस्पताले गरेको पत्रमा उल्लेख छ ।

इनरुवा अस्पतालमा सुनसरीकोे ग्रामिण क्षेत्रका स्थानियले सेवा लिदै आएका छन् । दैनिक अस्पतालमा १ सय ५० देखि २ सय जनाले स्वास्थ्य सेवा लिँदै आएको अस्पतालका सुपरिटेन्डेण्ड सन्तोष राईले जानकारी दिए । डा. शाहको करारको म्याद अवधि सकिएकोले पुन म्याद थप गरी यथावत रुपमा काम गर्न प्रदेशको स्वास्थ्य निर्देशनालयमा पत्रचार गरिसकेको उनले बताए ।