प्रदेश १ बाट थप २४ जना कोरोनामुक्त

विराटनगर – कोरोना मुक्त भएका प्रदेश १ बाट थप २४ जना डिस्चार्ज भएका छन् । शुक्रबार डिस्चार्ज हुनेमा झापाका १३, सुनसरीका ३ जना, मोरङ, पाँचथर र ताप्लेजुङ २–२, खोटाङ र इलामका १–१ जना रहेको प्रदेशको सामाजिक विकास मन्त्रालयले जनाएको हो ।

पूर्वाञ्चल विश्व विद्यालयको कोभिड-१९ आइसोलेसन अस्पतालमा उपचाररत २१ जना, उद्योग बाणिज्य संघ, फुङलिङ ताप्लेजुङ अस्थाई केन्द्रमा उपचाररत २ जना र जिल्ला अस्पताल अस्थाई केन्द्र खोटाङमा उपचाररत १ जना डिस्चार्ज भएको सामाजिकविकास मन्त्रालयले जनाएको छ ।

प्रदेश १ बाट डिस्चार्ज हुनेको संख्या ६ सय ८० पुगेको छ । प्रदेश १ माआज १ जनामाकोरोना संक्रमण देखिएको छ । झापाको बुद्धशान्तिका एक पुरुषमाकोरोनापोजेटिभ रिपोर्ट आएको सामाजिकविकास मन्त्रालयले जनाएको छ ।प्रदेश १ मा संक्रमितको संख्या ७ सय ७५ पुगेको छ ।