विराटनगर – मोरङमा ४६ जनासहित प्रदेश १ मा सोमबार ५७ जनालाई कारोना संक्रमण देखिएको छ । सोमबार आएको रिपोर्ट अनुसार सबैभन्दा बढी मोरङमा संक्रमण बढी देखिएको हो ।
सोमबार विराटनगर महानगरपालिका भित्र २२ जनालाई कोरोना संक्रमण देखिएको सामाजिक विकास मन्त्रालयले जानकारी दिएको छ । विराटनगरमा २२ जना देखिएको मध्ये ७ जना १ नम्बर प्रदेश प्रहरी कार्यालय विराटनगरमा कार्यरत प्रहरी हुन् ।
मन्त्रालयले दिएको जानकारी अनुसार विराटनगरमा १६ जना पुरूष र ६ जना महिलामा संक्रमण देखिएको हो । यस्तै, मोरङको रंगेली नगरपालिकामा २२ जनालाई कोरोना पोजेटिभ देखिएको छ । रंगेलीमा १३ पुरूष र ९ महिलामा संक्रमण देखिएको हो । कटहरी गाउँपालिकामा २ जना महिलामा संक्रमण देखिएको छ ।
यस्तै, सुनसरीमा ५ जनालाई संक्रमण देखिएको मन्त्रालयले जनाएको छ । इटहरीमा तीन, धरान र इनरुवामा १-१ जनालाई संक्रमण देखिएको हो । झापामा ६ जनालाई संक्रमण देखिएको छ । अर्जुनधारमा ४ पुरूष र बिर्तामोडमा १ महिलामा संक्रमण देखिएको मन्त्रालयले जनाएको छ ।
