२०८१ असार ११, सोमबार
Health Aawaj logo
गृहपृष्ठप्रदेश १विराटनगरको न्यूरो हस्पिटलका तीन नर्सलाई कोरोना पुष्टि

विराटनगरको न्यूरो हस्पिटलका तीन नर्सलाई कोरोना पुष्टि


विराटनगर – विराटनगरस्थित न्यूरो हस्पिटलमा कार्यरत तीन जना नर्सलाई कोरोना संक्रमण पुष्टि भएको छ । कोशी अस्पतालमा ल्याबमा गरिएको रिपोट अनुसार सोमबार न्यूरो अस्पतालको तीन जना नर्समा कोरोना पोजेटिभ देखिएको हो ।

अस्पतालका आकस्मि कक्षमा कार्यरत एक जना चिकित्सिकलाई संक्रमण पुष्टि भएपछि उनको सम्र्पकमा रहेकाहरूको ‘कन्ट्याक ट्रेसिङ’  गरि स्वाब संकलन गरिएको थियो । सोमबार विराटनगरमा २२ जना संक्रमति देखिएको मध्ये न्यूरो हस्पिटलका तीन जना नर्समा कोरोना पोजेटिभ देखिएको विराटनगर महानगरपालिका जनस्वास्थ्य महाशाखा प्रमुख रमेश कार्कीले जानकारी दिए ।

न्यूरो अस्पतालले शनिबार आकस्मिक कक्ष शिल गरि संक्रमितको सम्पर्कमा रहेकाहरुको स्वाब संकलन र अस्पताल सेनिटाइज गर्ने काम सुरू गरेको छ । आइतबार साझ अस्पतालले एक विज्ञप्ती जारी गरि आकस्मिक र बहिरङ सेवा अर्को सूचना नआए सम्म बन्द गरेको जानकारी गराएको छ । ‘कोरोना भाइरसको संक्रमण समाजमा थप फैलिन नदिन यस अस्पतालले सम्पूर्ण आकस्मिक एवम बहिरङ सेवा अर्को सूचना नआए सम्म बन्द गरेको जानकारी गराँउदछौं,’ अस्पतालले जारी गरेको विज्ञप्तीमा उल्लेख छ ।


क्याटेगोरी : प्रदेश १



तपाईको प्रतिक्रिया दिनुहोस


ट्रेण्डिङ