विराटनगर – सुनसरीको धरानस्थित विपी कोइराला विज्ञान प्रष्ठिानमा दुई जना कोरोना संक्रमित मृत्यु भएको छ । धरान १५ का ७१ वर्षीया वृद्धाको उपचारको क्रममा बुधबार दिउँसो ११ः१५ मा मृत्यु भएको अस्पतालका प्रवक्ता डा. निदेश सापकोटाले जानकारी दिए । सुनसरीमा कारोनाको कारण मृत्यु हुने यो पहिलो घटना हो ।
धरानस्थित एन्फा क्वारेन्टिनमा बसेकी वृद्धालाई साउन २३ गते कारोना संक्रमण देखिएको थियो । खोकी, ज्वारो र श्वासप्रश्वासमा समस्या भएपछि २४ साउनमा भर्ना भएको अस्पतालका प्रवक्ता डाक्टर सापकोटाले जानकारी दिए । उपचारको क्रममा बुधबार मृत्यु भएको उनले बताए । ‘श्वासप्रश्वास समस्या भएपछि अस्पताल भर्ना गरिएको थियो । संक्रमित वृद्धाको दिर्ग रोग दमको र मुटुको पनि उपचार गर्दै आएको रहेछिन्,’ उनले भने, ‘अस्पतालमा उपचारको क्रममा मृत्यु भएको छ ।’
यसैगरी, सोही अस्पतालमा उपचारको क्रममा मंगलबार बिहान मोरङ बुढीगंगा गाउँपालिका २ घर भएका एक जना कोरोना संक्रमित महिलाको मृत्यु भएको छ । बुढीगंगा घर भएकी ६७ वर्षिय वृद्धाको उपचारको क्रममा मंगलबार बिहान २ बजे मृत्यु भएको अस्पतालका प्रवक्ता डा. सापकोटाले जानकारी दिए ।
खोकी, ज्वरो र श्वासप्रश्वासमा समस्या भएपछि विराटनगरस्थित विराट मेडिकल कलेजमा भर्ना भएकी ति महिला २५ साउनमा विपी प्रतिष्ठानमा भर्ना भएकी थिइन् । मृत्यु हुने वृद्धा दिर्घ रोगी पनि रहेको अस्पतालले जनाएको छ ।
योसँगै कोरोनाको कारण मोरङ र सुनसरीमा मृत्यु हुनेको संख्या १३ पुगेको छ । यसअघि मोरङमा १२ जना कोरोना संक्रमितको मृत्यु भइसकेको छ । मोरङमा मृत्यु भएका मध्ये पनि ९ जना विराटनगर महानगरपालिका भित्रका छन् । सुनसरीमा भने मृत्युको यो पहिलो घटना हो ।
