विपी प्रतिष्ठानमा एक जना कोरोना संक्रमितको मृत्यु

विराटनगर—धरानस्थित विपी कोइराला स्वास्थ्य विज्ञान प्रतिष्ठानमा एक जना कोरोना संक्रमितको मृत्यु भएको छ । प्रतिष्ठानका सह-प्रवक्ता चुरामणि पोखरेलकाअनुसार धरान—११ सुनसरीका ४५ वर्षीय पुरुषको मृत्यु भएको हो ।

७ बैशाखमा अस्पताल भर्ना भएका ती पुरुषलाई ८ बैशाखमा कोभिड—१९ पुष्टि भएको थियो । उनको हिजो राति ११ः५७ बजे निधन भएको प्रवक्ता पोखरेलले बताए ।

प्रवक्ता पोखरेलकाअनुसार अहिले नियमानुसार शव व्यवस्थापनको तयारी भइरहेको छ ।