२०७८ जेठ ३१, सोमबार
Health Aawaj logo
गृहपृष्ठप्रदेश १मोरङमा थपियो जेठ २४ गतेसम्म निषेधाज्ञा

मोरङमा थपियो जेठ २४ गतेसम्म निषेधाज्ञा


विराटनगर –  कोभिड-१९ संक्रमण रोकथाम र न्यूनीकरणका लागि मोरङमा निषेधाज्ञा एक साता थप गरिएको छ । जिल्ला कोभिड संकट व्यवस्थापन केन्द्र (डिसीसीएमसी) को आइतबार बसेको बैठकले जेठ २४ गते राति १२ बजेसम्मको लागि निषेधाज्ञा थप गरेको हो ।

डिसीसीएमसीको बैठकले जेठ १७ गते राति १२ बजेसम्म निषेधाज्ञा गर्ने निर्णय गरेको थियो ।

यसअघि जारी गरिएको निषेधाज्ञाको समयसीमा सोमबार राति सकिने भएकोले बैठक बसी थप एक साता निधेषधाज्ञा थप गरिएको मोरङका प्रमुख जिल्ला अधिकारी कोशहरि निरौलाले जानकारी दिए ।

स्थानीय प्रशासन ऐन २०२८ को दफा ६ को उपदफा ३, संक्रामक रोग ऐन २०२० को दफा २ र कोभिड–१९ संकट व्यवस्थापन अध्यादेश २०७८ बमोजिम निषेधाज्ञा आदेश जारी राख्ने निर्णय गरेको प्रजिअ निरौलाले बताए ।

मोरङमा पहिलोपटक वैशाख १८ गते राति १२ बजेदेखि लागु हुनेगरी ७ दिने निषेधाज्ञा आदेश जारी गरिएको थियो ।


क्याटेगोरी : प्रदेश १



तपाईको प्रतिक्रिया दिनुहोस


ट्रेण्डिङ

जम्मा संक्रमित (नेपाल)
निको भएको
मृत्यु
जम्मा संक्रमित (विश्व)