बिएन्डसीमा अत्याधुनिक ल्याव सेवा सुरु

काठमाडौँ – बिएन्डसी मेडिकल कलेज तथा टिचिङ हस्पिटलले अत्याधुनिक ल्याब सेवा सुरु गरेको छ। अस्पतालले सोमबार पत्रकार सम्मेलनमा आयोजना गरी अत्याधुनिक ल्याब सञ्चालनमा ल्याइएको जनाएको हो।

कार्यक्रममा बोल्दै कार्यकारी निर्देशक दुर्गा प्रसाईले रोग पत्ता लगाउन विदेश वा काठमाडौँ धाउनु नपर्ने जनाएका छन्। उनले भने,’अस्पतालमा ल्याब संचालन हुँदा उपचारमा सहज हुनको साथै कुनै पनि रोगको उपचारका लागि अब काठमाडौँ वा विदेश जानु पर्दैन।’

विश्वका अन्य ल्याबमा परीक्षण गरिने सबै प्रकारका रोग बिएन्डसीको ल्याबबाट पत्ता लगाउन सकिने अस्पतालले जानकारी दिएको छ। अस्पतालले जनाए अनुसार बिएण्डसीमा फाइन निडल अस्पिरेसन साइटोलोजी (एफएनएसी) र बायोप्सी परीक्षण गर्न सकिने छ।