२०७८ असोज १, शुक्रबार
Health Aawaj logo
गृहपृष्ठप्रदेश १आँखाको शल्यक्रिया गरिएका बिरामीलाई २ हजार पोषण भत्ता

आँखाको शल्यक्रिया गरिएका बिरामीलाई २ हजार पोषण भत्ता


विराटनगर – मोरङको जहदा गाउँपालिकाले आँखाको शल्यक्रिया गरिएको विरामीलाई पोषणा भत्ता दिने गरेको छ । बिरामी हुँदा पोषिलो खानेकुरा खानको लागि शल्यक्रिया गरिएको विरामीलाई पोषण भत्ता दिने गरेको हो ।

आँखाको शल्यक्रिया गरिएको बिरामीलाई पोषण भत्ता वापत २ हजार रुपैयाँ दिने गरेको जहदा गाउँपालिकाको अध्यक्ष कैलाश प्रसाद मण्डलले जानकारी दिए । आँखाको शल्यक्रिया गरेर घरमा बसेका बिरामीलाई गाउँपालिकाले पोषण भत्ता बापत २ हजार रुपैयाँ दिने अभियानको शुभराम्भ गरेको उनले बताए ।

बिरामी भएकालाई उपचारपछि स्वास्थ्यमा थप सुधार होस भन्ने पौष्टिक आहार किनेर खान पोषण भत्ता दिने गरेको उनले बताए । ‘गाउँपालिकामा पहिलो चरणमा एक दर्जन बिरामीले पोष्टिक आहारको किन्नको लागि पोषण भत्ता हामीले वितरण गरिसकेका छौं,’ उनले भने । यो अभियान सुरु गरेको तीन वर्ष भएको उनले बताए ।

अहिले गाउँपालिकामा आएका आउने सबैभन्दा बढी मोतियाबिन्दुको शल्यक्रिया गरेका बिरामीहरु आउने गरेका छन् । पोषण भत्ता वितरण गर्नको लागि गाउँपाकिलाले बजेट विनियोजन गरेको छ । पाठेघरको शल्यक्रिया गरेको बिरामीलाई पनि गाउँपालिकाले पाँच हजार रुपैयाँ आर्थिक सहयोग गर्दै आएको छ ।

 

 


क्याटेगोरी : प्रदेश १



तपाईको प्रतिक्रिया दिनुहोस


ट्रेण्डिङ

जम्मा संक्रमित (नेपाल)
निको भएको
मृत्यु
जम्मा संक्रमित (विश्व)