भिडियो रिपोर्टः उपचारका क्रममा शिशुको मृत्युपछि कोशी अस्पताल तनावग्रस्त

विराटनगर—विराटनगरस्थित कोशी अस्पतालमा ५ महिनाको शिशुको मृत्युपछि तनाव उत्पन्न भएको छ । शुक्रबार विहान विराटनगर—६ बह्रमपुराका ५ महिनाका शिशुको उपचारका क्रममा मृत्यु भएको थियो ।

शिशुको उपचारका क्रममा मृत्यु भएपछि बिरामीका आफन्तले चिकित्सकको लापरवाहीले मृत्यु भएको भन्दै चिकित्सकलाई कारवाही माग गर्दै अस्पतालको इमर्जेन्सी कक्ष बाहिर प्रदर्शन गरिरहेका छन् । ठूलो संख्यामा जम्मा भएका बिरामीका आफन्तले प्रदर्शन गर्न थालेपछि प्रहरीले अस्पतालको सुरक्षा दिइरहेको छ ।

शुक्रबार विहान अस्पतालको आकस्मिक कक्षमा उपचारका क्रममा शिशुको मृत्यु भएको अस्पतालले जनाएको छ ।