विराटनगर—नेपाल औषधी व्यवसायी संघ (एनसीडिए) मोरङको अध्यक्षमा देशबन्धु ढकाल भारी मतान्तरले निर्वाचित भएका छन् । शनिबार विराटनगरमा सम्पन्न भएको संघको दोस्रो जिल्ला अधिवेशनबाट ९२ मत अन्तरले प्रतिस्पर्धीलाई हराउँदै ढकाल निर्वाचित भएका हुन् ।
२१३ मत ल्याएर ढकाल अध्यक्षमा निर्वाचित हुँदा उनका प्रतिस्पर्धी सुदिनध्वज श्रेष्ठ १२१ मत मात्र प्राप्त गरे । पहिलो निर्वाचनमा पनि ढकालले उपाध्यक्षमा श्रेष्ठलाई पराजित गरेका थिए ।
निर्वाचित भएको प्रमाणपत्र ग्रहण गर्दै अध्यक्ष ढकालले औषधी व्यसायीहरुलाई एक ढिक्का बनाएर सधै व्यवसायीहरुको हकहितमा लागि पर्ने बताए ।
यसैगरी, वरिष्ठ उपाध्यक्ष हरिराज रेग्मी निर्वाचित भएका छन् । रेग्मीले १९४ मत ल्याएर निर्वाचित हुँदा उनका प्रतिस्पर्धी विनोदकुमार यादवले १३७ मत मात्र ल्याए । वरिष्ठ उपाध्यक्षमा निर्वाचित भएका रेग्मी ढकाल समूहका हुन् ।
यसैगरी, खुद्रा उपाध्यक्षमा मुकेश श्रीवास्तव निर्वाचित भए । श्रीवास्तवले १८१ मत ल्याएर निर्वाचित हुँदा उनका प्रतिस्पर्धी पुष्प पोखरेल १४३ ल्याए ।
यसैगरी, महासचिवमा अरुणकुमार ठाकुर निर्वाचित भए । ठाकुरले १९० मत ल्याएर माहासचिवमा निर्वाचित हुँदा उनका प्रतिस्पर्धी प्रकाश धिमालले १४३ मत पाए ।
कोषाध्यक्षमा मनोजकुमार मण्डलले १७८ मत ल्याएर निर्वाचित भए । उनका प्रतिस्पर्धी बेदबहादुर थापा (गणेश)ले १५७ मत पाए । सचिवमा सरिता चौधरीले २०१ मत ल्याएर निर्वाचित भइन् । उनका प्रतिस्पर्धी सुदन पौडेलले १३२ मत पाए ।
सह—कोषाध्यक्षमा राजकुमार यादवले १९६ मत ल्याएर निर्वाचित हुँदा उनका प्रतिस्पर्धी तुलासा विश्वकर्माले १३९ मत ल्याए । थोक उपाध्यक्षमा जितु रजक निर्विरोध निर्वाचित भए । ढकाल समूहबाट उम्मेदवारी दिएका अनिल चौधरी शर्माले उम्मेदवारी दर्ता गरेपछि अन्तिम समयमा आएर फिर्ता लिएपछि रजक निर्विरोध भएका हुन् ।
यसैगरी, खुद्रा सदस्यमा सुनिलकुमार चौधरीले १९२ मत ल्याएर निर्वाचित भए । उनका प्रतिस्पर्धी शंकर यादवले १४२ मत पाए । यसैगरी थोक सदस्यमा राजेश कुमार मण्डलले २०८ मत ल्याएर निर्वाचित भए । उनका प्रतिस्पर्धी अन्जु बस्नेतले ९७ मत ल्याए ।
सदस्यहरुमा अरविन्द्रकुमार मण्डल १९०, गौरवप्रसाद साह १५५, किरणकुमार चौधरीले १८१ मत ल्याएर निर्वाचित भए । ४ सय १५ मत रहेको एनसीडिए मोरङमा ३ सय ५५ मत खसेको थियो ।
