विराटनगर—विराटनगरस्थित मकालु एभरेष्ट हस्पिटलमा मस्तिष्कमा पानी जमेको एक जना बिरामीको सफल उपचार भएको छ । भारतको फारवीजगन्ज घर भएका ७५ वर्षीय प्रदीप मिश्राको मकालु एभरेष्ट हस्पिटलमा सफल उपचार भएको हो ।
मस्तिष्कमा पानी जमेका कारण मिश्रा लामो समयदेखि थला परेका थिए । उनको पिसाब चुहिने, हिड्डुल गर्न नसक्ने र बोलेको बिर्सने समस्याले पीडित थिए ।
उपचारमा संलग्न फिजिसियन डा. दीपक सिग्देलले न्यूरो सर्जन डा. चन्द्रप्रकाश यादवसँग थप उपचारको लागि पठाइदिए । त्यसपछि डा. यादवले मकालु एभरेष्ट हस्पिटलमा मिश्राको मस्तिष्कमा जमेको पानी शुक्रबार ‘भीपी’ सर्जरी गरेर सफल उपचार गरेका हुन् ।
डा. यादव बिरामीको उपचारबारे जानकारी दिदैं ।
‘बिरामीको मस्तिष्कमा धेरै पानी जमेको थियो । मेडिकल भाषामा यसलाई एनपीएच अर्थात नर्मल प्रेसर हाइडोसिफ्लाक्स भनिन्छ । यसले गर्दा बिरामीलाई हिड्डुल गर्न समस्या हुन्छ । बिरामी हस्पिटल आएपछि हामीले टाउँको सानो प्वाँल बनाएर शल्यक्रिया गरेका हौं,’ डा. यादवले भने, ‘उपचार सफल भएपछि बिरामी अहिले डिस्चार्ज हुनुभएको छ ।’ ब्रेनमा इन्फेक्सनको कारणले पनि बिरामीलाई यस्तो समस्या देखा पर्ने उनले बताए ।
गत बिहीबार अस्पताल भर्ना भएका मिश्राको शुक्रबार डा. यादवसहितको टिमले शल्यक्रिया गरेको थियो । त्यसपछि मंगलबार मिश्राको डिस्चार्ज भएको छ । डिस्चार्जपछि बिरामीकी भान्जी गीता शर्मा अधिकारीले मामाको सफल उपचार भएकोमा खुसी व्यक्त गरिन् ।
‘मामा बिरामी भएपछि थला पर्नु भएको थियो । बोलेको कुरा भुल्ने गर्नुहुन्थ्यो । उपचारपछि अहिले मज्जासँग हिड्डुल गर्न सक्ने हुनुभएको छ । उपचारमा संलग्न चिकित्कसप्रति आभारी छु,’ उनले भनिन् ।
