बैतडीमा १ सय २८ प्रसुती केन्द्र

हेल्थ आवाज बिहीबार, २०७६ भदौ ५ गते, ११:१७ मा प्रकाशित

खलंगा—बैतडीमा प्रसुती केन्द्रको संख्या १ सय २८ पुगेको छ । गत आर्थिक वर्षमा मात्रै नयाँ १९ वटा स्वास्थ्य संस्थाका प्रसुती सेवा केन्द्र स्थापना भएको थियो ।

सुदूूरपश्चिम प्रदेश सरकार सामाजिक विकास मन्त्रालयको पहलमा बैतडीमा सुरक्षित प्रसुती सेवा केन्द्रसहितका १९ वटा स्वास्थ्य संस्थाका भवन निर्माण भएका थिए ।

गत आर्थिक वर्ष २०७५/२०७६ मा सामाजिक विकास मन्त्रालयको तीन करोड ३० लाख रुपैयाँबाट १९ वटा स्वास्थ्य संस्थामा भवन निर्माण भएको जनाइएको छ । ती मध्ये १४ वटा सुरक्षित प्रसुति सेवा केन्द्र (वर्थिङ सेन्टर), तीन वटा सामुदायिक स्वास्थ्य इकाई र दुई वटा सहरी स्वास्थ्य केन्द्र स्थापना रहेका छन् ।