रक्तचाप अहिलेको समयको सबैभन्दा गम्भीर स्वास्थ समस्या मध्य एक हो । यो बढ्ने र घट्ने दुवै अवस्था शारीरिक समस्याको कारण बन्न सक्छ । रक्तचाप बढ्नाले हृदय रोगको समस्याको खतरा बढ्छ। त्यसैगरी, यो कम भएमा कमजोरी, थकान साथै अन्य केही गम्भीर स्वास्थ्य समस्याको खतरा बढ्न सक्छ ।
चिकित्सकको मान्यताअनुसार हाम्रो जीवनशैली र खानपान सम्बन्धि नराम्रो बानीले रक्त चापको समस्या निम्त्याउन सक्छ। यसैकारण सबै जनालाई आफ्नो दिनचर्यामा स्वस्थ राख्ने उपाय अपनाउने सल्लाह दिइन्छ । जसले रक्तचापको जोखिम कम गर्न सहयोग पु-याउँछ ।
हामी के खान्छौं, कस्तो प्रकारको जीवनशैली अपनाउँछौँ, यस्तो बानीले पनि रक्तचाप घट्ने वा बढ्ने कारण बन्न सक्छ । समयमानै ध्यान पु-याउन नसक्दा दिर्घकालीन स्वास्थ्य समस्याको जोखिम बढ्न सक्छ । आउनुहोस, जानौ जीवनशैलीमा कस्तो प्रकारको परिवर्तन गर्नाले रक्तचापको खतरालाई कम गर्न सकिन्छ।र, कुन बानीले तपाईलाई रक्तचापको बिरामीबाट बच्न मद्दत गर्छ ?
नियमित ब्यायाम गर्ने बानी
शारिरीक निष्क्रियतालाई रक्तचाप समस्याको मुख्य कारण मानिन्छ । यस अवस्थामा नियमित व्यायाम, साथै नियमित केही समय हिड्नाले पनि तपाइको रक्त्तचाप सन्तुलित राख्नमा सहयोग गर्छ । व्यायामले हृदयलाई मजबुत बनाउँछ । जसकारण त्यसले कुसलतापूर्वक रगत पम्प गर्न पाउछ । यसबाहेक व्यायाम गर्ने बानीले तपाईको तौललाई नियन्त्रित गर्नमा पनि सहयोगी छ । जुन रक्त्तचापलाई नियन्त्रित राख्न मद्धत गर्छ ।
तनाव कम गर्ने उपाय अपनाउनुहोस्
अध्ययनअनुसार अत्याधिक तनाव लिने मानिसमा समयभन्दा पहिला रक्तचाप बढ्ने खतरा हुन सक्छ । तनावका कारण शरीरमा कोर्टिसोल र एडेनालाइन जस्ता हार्मोन रिलिज हुन्छ । यो हार्मोनले तपाईको हृदय गतिलाई बढाएर रक्त वाहिनी नलीलाई संकुचन गरेर रक्तचाप बढाउँछ । यस प्रकार तनाव कम गर्ने उपाय रक्तचापलाई नियन्त्रित गर्नमा तपाईको लागि सहयोगी छ । यसका लागि योग तथा मेडिटेसन गर्ने बानी बसाल्नु पर्छ ।
आहारमा बढाउनुस पोटासियमको मात्रा
पोटासियमयुक्त आहारको सेवनले तपाईको हृदय र धमनीको स्वास्थ्य अवस्था कायम राख्न सहयोग गर्छ । आलु, केरा, पालक र गेडागुडी जस्ता खाद्यान्नमा पोटासीयम रहेको हुन्छ । प्रतिदिन दुई हजारदेखि ४ हजार मिलीग्राम पोटासियमको सेवनले रक्तचाप कम गर्नमा सहयोग मिल्छ । टमाटर, एभोकाडो, खरबूजा, सुकेको मेवा आदिले पनि तपाइको दैनिक पोटासियमको आवश्यकतालाई सजिलै पूरा गर्न सक्छ ।
पर्याप्त निन्द्रा
रक्तचाप र मुटुको रोगबाट बच्न पर्याप्त निन्द्रा लिनु आवश्यक मानिन्छ । ६ घण्टा वा सोभन्दा कम सुत्ने मानिसमा रक्तचाप तीव्र हुने सम्भावना बढी हुन्छ । यदि तपाईलाई पहिले नै उच्च रक्तचाप छ भने, तपाइले राम्रो निन्द्रा लिएर यसलाई नियन्त्रणमा राख्न सक्नुहुन्छ । निन्द्राले तपाइको शरीरलाइ तनाव र मेटाबोलिज्मलाई नियन्त्रण गर्न पनि मद्दत गर्दछ ।
-एजेन्सीको सहयोगमा
