बालबालिकामा देखिने एपेन्डिसाइटिसको लक्षण

बालबालिकाहरू स्कूल जानबाट जोगिन धेरै बहानाहरू छन् । सबैभन्दा साधारण बहाना पेट दुखाइको हुन्छ । अभिभावकहरूले प्राय यस्तो बाहानाहरुलाई हल्का रूपमा लिन्छन् । तर बालबालिकाको पेट दुख्ने समस्यामा अलिकति पनि लापरवाही भयो भने त्यसले पछि ठुलो समस्या निम्त्याउन सक्छ । किनकि यो एपेन्डिसाइटिसको लक्षण हुन सक्छ ।

एपेन्डिसाइटिस भनेको एपेन्डिक्सको रोग हो । यो हाम्रो आन्द्रासँग जोडिएको सानो थैली पेटको तल्लो भागको दाहिने छेउमा हुन्छ । एपेन्डिक्स बन्द भएपछि त्यसभित्र ब्याक्टेरिया जम्मा हुन थाल्छ । अर्थात् अवरोधका कारण आन्द्रासँगको सम्बन्ध टुट्छ । यस अंगमा रगतको आपूर्ति पनि बन्द हुन्छ । त्यसपछि एपेन्डिक्समा पिप बन्न थाल्छ । सुनिन थाल्छ अनि यसको आकार बढ्छ । एपेन्डिक्सको यो अवस्थालाई एपेन्डिसाइटिस भनिन्छ ।

समयमै उपचार गरिएन भने एपेन्डिक्स फुट्न सक्छ । एपेन्डिक्समा जम्मा भएका ब्याक्टेरिया पेटभर फैलिन्छ र यो घातक हुन सक्छ ।

एपेन्डिक्स हुँदा देखिने केही लक्षणहरु

• पेटमा अचानक तीव्र दुखाई हुने ।
• नाभीको चारैतिर दुखाई हुनु ।
• खोक्दा वा जोडले श्वास लिँदा पेट दुख्ने ।
• ज्वारो आउने र उल्टि हुने ।
• कब्जियत हुनु र डाइरिया चल्नु ।
• पेट सुनिने

–एजेन्सीको सहयोगमा