अब विदेशबाट नेपाल आउने प्रत्येकको एयरपोर्टमा स्वास्थ्य परिक्षण

काठमाडौं – विदेशबाट नेपाल आउने सबैको अनिवार्य जाँच हुने भएको छ। शनिबार प्रधानमन्त्री केपी शर्मा ओलीको नेतृत्वमा बालुवाटारस्थित बसेको वैठकले कोरोना संक्रमण स्वदेशमा फैलन नदिन त्रिभुवन अन्तराष्ट्रिय विमानस्थलमा प्रत्येकको जाँच गर्ने निर्णय
गरेको हो।

यस अघि भने आफुलाई स्वास्थ्य विग्रिएको शंका लागेपछि स्वइच्छाले जाँच गराइने व्यवस्था थियो भने अब भने अनिवार्य सबै यात्रुले फारम भरेर जाँच गराउनु पर्ने नियम आइतबारबाट लागु भएको स्वास्थ्य सेवा विभागका महानिर्देशक महेन्द्र प्रसाद श्रेष्ठले जानकारी दिए।

विश्व स्वास्थ्य संगठन (डव्लुएचओ) ले हालसम्म यस कोभिड–१९ भाइरसको सङ्क्रमण विश्वका ५६ देशमा फैलिएको जनाएको छ ।उक्त  संगठनले नेपाललाई कोरोना भाइरस (कोभिड–१९) को अति उच्च जोखिम भएको मुलुकको सूचीमा राखेको छ ।

यससँगै स्वास्थ्य तथा जनसंख्या मन्त्रालयले कोरोनाको जोखिम न्यूनीकरण गर्न त्रिभुवन अन्तराष्ट्रिय विमानस्थलमा ‘हेल्थ डेस्क’लाई सक्रिय बनाइएको दाबी गरेको छ।