भारतबाट आएका कर्णालीका एक युवकको मृत्यु, कोरोना परीक्षण गरिँदै

सुर्खेत – भारतबाट आएका कर्णालीका एक युवकको मृत्यु भएको छ। पाँच दिनअघि भारतको गुजरातबाट हिँडेका उनी यात्राकै क्रममा विरामी भएपछि उपचारका लागि कर्णाली प्रदेश अस्पताल ल्याइएको थियो। तर अस्पतालमा उपचार हुनुभन्दा अगाडि नै उनको मृत्यु भएको अस्पतालले जनाएको छ ।

कर्णाली प्रदेश अस्पतालका डा. नवराज केसीकाअनुसार भारतबाट आएका युवा बसमै विरामी भएपछि मंगलबार राती उपचारका लागि प्रदेश अस्पताल ल्याएको थियो । तर अस्पताल आउनु भन्दा पहिले नै उनके मृत्यृ भइसकेको बताइएको छ ।

अस्पतालले कोरोना आशंकामा उनको स्वाब संकलन गरेर परीक्षण सुरु गरेको छ । स्वाब रिर्पाेट आज दिउँसोसम्म आउने असपतालले जनाएको छ । मृतक युवा सुर्खेतको चिंगाड गाउँपालिका–५ अवलचिङका हुन् ।