पोखरामा मास्क प्रयोग नगर्ने २१ लाई कारवाही

पोखरा – पोखरामा बिना मास्क हिड्ने २१ जना कारवाहीमा परेका छन् । उनीहरुलाई जिल्ला प्रहरी कार्यालयले कास्कीले बुधबार पक्राउ गरेको हो ।पक्राउ परेका सबैलाई जनही १ सय रुपैयाँ जरिवाना गरी बुधबारै छाडिएको छ ।

कास्कीका प्रहरी प्रवत्ता सुवास हमालले कोरोनाको जोखिमा बढेका बेला अनुरोध नमान्ने केहीलाई कारवाही गरिएको बताए । वडा प्रहरी कार्यालय बैदाम, रामबजार र बगरले उनीहरुलाई नियन्त्रण लिएको थियो । नियन्त्रणमा लिएकाहरुलाई संक्रामक रोग ऐन, २०२० बमोजिम जनही १ सय रुपैयाँ जरिवाना गरी छाडिएको हो ।

कास्कीमा गएको बुधबारमात्रै १३ जनामा कोरोना भाइरस संक्रमण देखिएको छ । गण्डकी प्रदेशमा संक्रमितको संख्या १ हजार १ सय २९ पुगेको छ ।